نداء إلى الإخوى الغربان

إلى جماعة الغربان أنصاف و أرباع المستثقفين اللى ماليين جرايد ليام دى, واللى بتكاكى فى الحلوة زى بظّبط ما بتكاكى فى المُرة (فى الحقيقة إن الغربان دى مش بتكاكى؛ فاصوت الديك دا جميل وبديع .. أما صوت الغراب دا نشاز, فاعذرولى التعبير السىء دا) - إلى الإخوى الغربان أناشدكم: أرجوكم تحاولوا مرة واحدة فى حياتكم تفكروا فى المصلحة العليا للبلاد كمصريين فقط لا غير فى موضوع الكوبرى المنيّل بستين نيلة ده

وادينا عموماً مستنيين نشوف أموال السعودية هاتصب فى زمبلك مين من صحفيينا الكرام لترويج الخطة السعودية لغزو الأراضى السيناوية

...وادينا هه مستنيين

:بصوا بيقول ايه والنبى (منصق المشروع) الأهبل ده

الفكرة ليست مجرد فكرة فلقد دخلت مرحلة التنفيذ ويقول مجاهد: «لقد خاطبنا جميع الجهات السعودية والمصرية فمثلا كاتبنا سلاحي الحدود والبحرية في السعودية، وعرضنا الأمر قبل وفاة الملك فهد علي الملك عبدالله فوجدناه مرحبا بشدة بالمشروع وكان أكثر مصرية منا»

!يا حلاوتك يا حمادة يا حلاوتك

!وأظرف شيىء انه فى الفقرة اللى بعديها اتكتب اسمه (مجاهل) بدل من مجاهد...والله جت من عند ربنا دى

:بس كتّر خيره بينفى مقدماً علاقة اسرائيل بالموضوع ويقطع الطريق عالقومجية اللى هايتنططوا عالنقتادى

وشدد علي ضرورة ألا نلقي بالاً بما يقال عن الرفض الإسرائيلي «لا يجب أن نلتفت إلي ما يثار بشأن اعتراض إسرائيل فهذا هراء وكلام غير منطقي، فالقصة برمتها وراءها أصحاب المصالح».

:والمهم انه بيأكد الكلام المتشائم اللى بنقوله عن الكوبرى دا

ورغم إحباطه يقول: «نفي الرئيس لم يضرنا كما تصور البعض، فقد طرح المشروع بقوة وخلق حوله جدل سيقصر الفترة الزمنية لتنفيذه»، مشيرا إلي أنه تلقي عروض جديدة لتبني المشروع من شخصيات عربية شهيرة منها أحد أكبر رجال الأعمال العرب وصاحب منصب سياسي مهم في بلاده.

وقال مجاهد: «لقد هبت ثورة بسبب نفي الرئيس وأدت إلي مزيد من العروض التمويلية للمشروع حيث تضاعف عدد الممولين بعدها فبعد أن كانوا ٥ أصبحوا ٢٠ شخصا، كما أن القدرات التمويلية تضاعفت فمن دفع مبلغا في البداية ضاعفه بعد النفي».

:وبيختم كلامه فى الآخر بخبر مش ولابد

ويختم حديثه بغضب: «إنها فكرة أضعت عليها ثلاثة أرباع حياتي، وبعد كل هذه الأعوام تجري الأمور هكذا دون منطق، وسألتقي بأمير تبوك قريبا لنبحث الأمر».

!أبوس إيدك والنبى يا معلم (مجاهل) تخزى الشيطان كدا وتفضّها سيرة عن موضوع الكوبرى دا هوّت

:أوجه قبيحة


شوفتم كنت لسه باقولكم ايه عن أموال السعودية فى جيوب القومجية؟

!كالمتوقع الفاشستيون الجدد فى (الكرامة الليبية) و(العربجى الناصرى) شغالينلك فى الجسر ده مدح

...اللى يقوللك إن الجسر دا طالما كان حلم الشعب المصرى والسعودى على حدٍ سواء, يا سلام

!واللى يقوللك انه بيمثل إرادة الأمة كالسد العالى – آيوه كده زى ما باقوللك بالظبط

!(وهويدا طه بتاعة الجزيرة كاتبالنا صفحة بحالها مسمية مصر فيها (الضفة الغربية للبحر الأحمر

...عموماً أنا خلاص هاكبّر دماغى من موضوع الكوبرى ده, والسلام...

!ومن أعماق الشعب المصرى إلى مرتزقة الغربان...إتفوه